Lipoma është një gungë yndyrore që rritet ngadalë dhe më shpesh ndodhet midis lëkurës dhe shtresës bazë të muskujve. Zakonisht nuk është e butë dhe mund ta lëvizni lehtë duke ushtruar pak presion me gisht.
Lipomat zakonisht zbulohen në moshën e mesme. Disa persona kanë më shumë se një lipoma. Nuk është kancer dhe përgjithësisht është e padëmshme. Trajtimi nevojitet nëse ju bezdis, ju dhemb ose vijon të rritet.
Lipoma dhe Simptomat qe shfaq
Ato janë të zakonshme në:
• Ndodhet pikërisht nën lëkurë. Zakonisht ndodhin në qafë, shpatulla, shpinë, bark, krahë dhe kofshë.
• Të buta dhe të brumosura në prekje. Ato gjithashtu lëvizin lehtësisht duke ushtruar pak presion me gisht.
• Përgjithësisht të vogla, me diametër më pak se 5 cm, por ato mund të rriten.
• Ndonjëherë janë të dhembshme, nëse ato rriten dhe shtypin nervat e afërta ose nëse përmbajnë shumë enë gjaku.
Kur duhet të behemi merak?
Një lipoma është rrallë një gjendje e rëndë mjekësore, por nëse vëreni një gungë ose ënjtje diku në trupin tuaj duhet të kontrolloheni nga mjeku juaj.
Shkaqet
Shkaku i tyre nuk është kuptuar plotësisht. Ato priren të jenë të trahëgueshme në familje, kështu që faktorët gjenetikë ka të ngjarë të luajnë një rol në zhvillimin e tyre.
Faktorët e rrezikut
Disa faktorë mund të rrisin rrezikun e zhvillimit të një lipome, duke përfshirë:
• Mosha 40-60 vjeç. Megjithëse mund të ndodhin në çdo moshë, ato janë më të zakonshmet në këtë grupmoshë.
• Gjenetika. Lipomat kanë tendencë të trashëgohen në familje.